പുളിക്കൽ: പുളിക്കൽ എ.എം.എം ഹൈസ്കൂളിൽ വെച്ച് നടന്ന കൊണ്ടോട്ടി ഉപജില്ലാ ടെന്നിക്കോയ്റ്റ് മത്സരത്തിൽ ആതിഥേയർക്ക് അഭിമാന നേട്ടം. പെൺകുട്ടികളുടെ വിഭാഗത്തിൽ മികച്ച പ്രകടനം കാഴ്ചവെച്ചാണ് എ.എം.എം ഹൈസ്കൂൾ (AMMHS Pulikkal) ഒന്നാം സ്ഥാനം കരസ്ഥമാക്കിയത്.
വാശിയേറിയ പെൺകുട്ടികളുടെ മത്സരത്തിൽ എച്ച്.ഐ.ഒ.എച്ച്.എസ്.എസ് ഒളവട്ടൂർ (HIOHSS Olavattor) രണ്ടാം സ്ഥാനവും, വി.എച്ച്.എം.എച്ച്.എസ്.എസ് മൊറയൂർ (VHMHSS Morayur) മൂന്നാം സ്ഥാനവും നേടി.
ആൺകുട്ടികളുടെ വിഭാഗത്തിൽ ആർ.എച്ച്.എസ്.എസ് രാമനാട്ടുകര (RHSS Ramanattukara) ആണ് ഒന്നാം സ്ഥാനം കരസ്ഥമാക്കിയത്. മികച്ച പ്രകടനം പുറത്തെടുത്ത വി.എച്ച്.എം.എച്ച്.എസ്.എസ് മൊറയൂർ (VHMHSS Morayur) രണ്ടാം സ്ഥാനവും, ജി.എച്ച്.എസ്.എസ് കൊട്ടപ്പുറം (GHSS Kottapuram) മൂന്നാം സ്ഥാനവും സ്വന്തമാക്കി.
പങ്കെടുത്ത എല്ലാ ടീമുകളും മികച്ച കായികക്ഷമതയാണ് ടൂർണമെന്റിൽ കാഴ്ചവെച്ചത്. വിജയികൾക്ക് അധ്യാപകരും കായിക പ്രേമികളും നാട്ടുകാരും അഭിനന്ദനങ്ങൾ അറിയിച്ചു.
