എടവണ്ണപ്പാറ : കേരളത്തിലെ എല്ലാ കെഎസ്ഇബി ഓഫീസുകളിലേക്ക് ഡിവൈഎഫ്ഐയുടെ നേതൃത്വത്തിൽ വ്യാപകമായ കറണ്ട് കട്ടിൽ പ്രതിഷേധിച്ച് ചൂട്ട് മാർച്ച് സംഘടിപ്പിച്ചു.
ഡിവൈഎഫ്ഐ വാഴക്കാട്,എടവണ്ണപ്പാറ മേഖല കമ്മിറ്റികളുടെ നേതൃത്വത്തിൽ വൈകിട്ട് 7 മണിക്ക് എടവണ്ണപ്പാറ കെഎസ്ഇബി ഓഫീസിലേക്ക് മാർച്ച് നടത്തി. എടവണ്ണപ്പാറയിൽ നിന്നും ആരംഭിച്ച മാർച്ച് കെഎസ്ഇബി ഓഫീസിൽ സമാപിച്ചു.ഡിവൈഎഫ്ഐ മേഖലാ സെക്രട്ടറിമാരായ സജീവ്, ഷമീർ,സിപിഐഎം വാഴക്കാട് ലോക്കൽ സെക്രട്ടറി ടി ഫൈസൽ, തുടങ്ങിയവർ മാർച്ചിനെ അഭിവാദ്യം ചെയ്ത് സംസാരിച്ചു.
