വാഴക്കാട് : മുഖ്യമന്ത്രി പിണറായി വിജയനെതിരെ അധിക്ഷേപ പരാമർശം നടത്തിയ മുസ്ലിം ലീഗ് ജനറൽ സെക്രട്ടറി പി എം എ സലാമിന്റെ പ്രസ്താവനയിൽ പ്രതിഷേധിച്ച് സിപിഐഎം വാഴക്കാട്, എടവണ്ണപ്പാറ ലോക്കൽ കമ്മിറ്റികളുടെ നേതൃത്വത്തിൽ വാഴക്കാട് അങ്ങാടിയിൽ പ്രതിഷേധ പ്രകടനം നടത്തി.
ബസ്റ്റാൻഡ് പരിസരത്തിൽ നിന്നും ആരംഭിച്ച പ്രതിഷേധ മാർച്ച് ചീനി ബസാറിൽ സമാപിച്ചു.സിപിഐഎം നേതാവ് അബ്ദുൽ അലി മാസ്റ്റർ മാർച്ച് ഉദ്ഘാടനം ചെയ്ത് സംസാരിച്ചു.സിപിഐഎം വാഴക്കാട് ലോക്കൽ സെക്രട്ടറി ടി ഫൈസൽ,പനക്കൽ കുഞ്ഞഹമ്മദ് തുടങ്ങിയവർ സംസാരിച്ചു.
