വാഴക്കാട് സി എസ് ആർ ഫണ്ട് ഉപയോഗിച്ച് രണ്ട് റോഡുകൾ ഗതാഗതയോഗ്യമാക്കി

വാഴക്കാട്:* വാഴക്കാട് ഗ്രാമപഞ്ചായത്തിലെ രണ്ട് റോഡുകൾക്കുകൂടി സി.എസ്.ആർ. (കോർപ്പറേറ്റ് സോഷ്യൽ റെസ്പോൺസിബിലിറ്റി) ഫണ്ട് ഉപയോഗിച്ച് ശാപമോക്ഷം. ഗ്രാമപഞ്ചായത്ത് പ്രസിഡന്റ് അഡ്വ. എം.കെ. നൗഷാദിന്റെ ഇടപെടലിലൂടെയാണ് കാലങ്ങളായി യാത്രാദുരിതം അനുഭവിച്ചിരുന്ന റോഡുകൾ ഗതാഗതയോഗ്യമാക്കിയത്.പതിനാറാം വാർഡിലെ വല്ലങ്ങോട്ട് താഴം-കുനിമ്മൽ റോഡും, രണ്ടാം വാർഡിലെ മണ്ണമ്പറമ്പ്-പൂളക്കാലൊടി പള്ളിതാഴം റോഡുമാണ് നവീകരിച്ചത്. പ്രദേശവാസികളുടെ ഏറെക്കാലത്തെ ആവശ്യത്തിനാണ് ഇതിലൂടെ പരിഹാരമായത്. നേരത്തെയും റോഡുകൾ ഉൾപ്പെടെയുള്ള വിവിധ നിർമാണ പ്രവർത്തനങ്ങൾക്കായി അഡ്വ. എം.കെ. നൗഷാദിന്റെ നേതൃത്വത്തിൽ സി.എസ്.ആർ. ഫണ്ടുകൾ ഉപയോഗപ്പെടുത്തിയിരുന്നു.